MarineJugend/Mitgliederzeitung/Blauer Peter 1999-1

Famoddeldi Grubbeschdunn Honners känne läse? Isch hab's faschd ned schreiwe känne. Do muss ma sich jo furschbar oschdrenge, dass des so rischdisch bärmesensrich wärd! Awwer wie jedes Johr mache ma a in demm Johr e famoddeldi (schunn widder des Word) Grubbeschdunn, wo ner eich famoddle derfe wie na wolle. Om beschde komme na so dass ma eisch ga ned kännt, schunsch wääß ma jo glei wer's iss! Wonn's gude Koschdieme gebbt, känne ma a es schänschde brämiere. Wonn net, isses a ned schlimm. Gudi Laune solle na nadierlich a mitbringe, `s is jo schließlisch Fasnachd. Fielleischt känne ma a noch änner finne, wo e Bidderedd schwingt? Wade ma's mol ab. Moi liewer Schollie, isch brauch jo länger fa des bissel bärmesensrisch, wie fa de Rescht vunn demm blaue Peder! Isch deet so gärn die Gesischder vunn denne Nordlischder vunn de Bundesleidung unn vum "Hermelin" sieje, wonn se vasuche, dess se läse. Ei isch konn's jo selwat kaum! Jetzd issses awwer genunk vunn dem Grom, isch hab` jedenfalls genuch defu. Isch sieh eisch jedenfalls om Somschda, 13. Februar 1999, ab verzehuhrseschzisch (14.60 Uhr) im Grubberaum om Messplatz. Schluss iss wie immer wonn's kä Schbass mä macht, `s leid also on eisch! On eisch all noch e kräfdisches Pillau, Pillau, Pillau.......

 zurück